నమ్మిన వారికి కొంగు బంగారం
మమ్మల్ని నమ్ముకుంటే నీ బంగారం మాయం
మేము ఏరు దాటాక తెప్ప తగలేసే వాళ్ళం
నామాల వాడికే పంగనామాలు పెట్టే ఘనులం
నీకు కూడా తెలుసు ...
మా మాయాజాలం
మెట్టు మెట్టుకి కోరికల అష్ఠోత్రం
తీరిస్తే??? వస్తా!!!
అని నీకు పెట్టే పరిక్షా కాలం
తిరుస్తాడా? అని నీ పైనే అనుమానం
నిన్ను నమ్ముకున్న ప్రజలని దోచుకొని
ని హుండిలో వేసేస్తాం సగం
అమాయకంగా కురిపిస్తావు..
మాపై కరుణారసం
ఎందుకయ్యా ఇంతటి అమాయకత్వం
మేలుకో..
విని సుప్రభాతం
పూరించు శంఖారావం
ధుష్ట శిక్షణకు వినియోగించు నీ చక్రం
ఖండించు ఈ ధురాగతం
(తిరుపతి వేంకటేశ్వర స్వామి బంగారు డాలర్లు పొఇన దానికి నిరసనగా)
No comments:
Post a Comment